اسلام آباد (آن لائن) پاکستان پیپلزپارٹی کے چیئرمین بلاول بھٹو زرداری نے وفاقی وزیر داخلہ چودھری نثار کو آڑے ہاتھوں لیتے ہوئے کہا ہے کہ چودھری نثار کے وزیر اعظم بننے کا منصوبہ ناکام ہو گیا ہے۔ سماجی رابطوں کی ویب سائیٹ ٹویٹر پر ٹویٹ کرتے ہوئے چیئرمین پاکستان پیپلزپارٹی کا کہنا تھا کہ وزیر اعظم نواز شریف کی بیماری کا ایسے میں فائدہ اٹھانا مناسب نہیں ہے ۔وزیر داخلہ کا وزیر اعظم بننے کا منصوبہ ناکام ہو گیا ہے۔ چودھری نثار پلان میں ناکامی پر بوکھلا گئے ہیں ۔