لاہور(نمائندہ سپورٹس)سابق کپتان وسیم اکرم نے کہا ہے کہ پاکستانی ٹیم کیلئے انگلینڈ کا دورہ بہت مشکل ہوگا۔ اس کیلئے ابھی سے کھلاڑیوں کو ذہن میں رکھنا ہوگا۔ میڈیا سے گفتگو میں ان کا کہنا تھا کہ نئے کوچ مکی آرتھر کے پاس جادو کی چھڑی نہیں کہ وہ آتے ہی سب ٹھیک کر لینگے۔ فاسٹ باولر محمد عامر کو انگلینڈ کا ویزہ ملنا چاہئے۔اس میں ٹیلنٹ ہے۔ عامر چیلنجز سے نمٹ سکتا ہے۔ اس کا ٹیم میں ہونا بہت ضروری ہے۔کھلاڑیوں کو انگلش کینڈیشنز پر کامیابی حاصل کرنے کیلئے بہت محنت کرنا پڑے گی ۔