کراچی(کرائم رپورٹر) گلشن اقبال میں مسلح افراد کی فائرنگ سے دو افراد زخمی ہوگئے۔ واقعہ پیر کی سہ پہر ایرو کلب کے نزدیک پیش آیا جس کے بعد ملزمان فرار ہوگئے۔ منگھوپیر کے علاقے مائی گاڑھی سے ایک ہفتہ پرانی تشدد زدہ نعش برآمد ہوئی۔ پولیس نے پوسٹ مارٹم کے لئے ہسپتال پہنچانے کے بعد تفتیش شروع کردی۔ پولیس کے مطابق مقتول کی عمر تقریبا 40سال تھی تاہم فوری طور پر مقتول کی شناخت نہیں ہوسکی۔ سی ٹی ڈی پولیس نے اورنگی ٹائون میں چھاپہ مار کر تین دہشت گردوں کو گرفتار اور ان کے قبضے سے اسلحہ برآمد کرلیا جب کہ تینوں کو مقامی عدالت میںپیش کرکے 9دن کا 18 جون تک ریمانڈ بھی حاصل کرلیا ۔پولیس کے مطابق تینوں دہشتگرد نیک الدین، علی آصف اور محمد اکبر کا تعلق کالعدم تحریک طالبان پاکستان سے ہے اور وہ متعدد افرا دکی ٹارگٹ کلنگ میں ملوث ہیں۔ دریں اثنا سی ٹی ڈی پولیس کے ہاتھوں گرفتار ملزم عباس علی نے دو ڈاکٹروں سمیت چار افرا د کی ٹارگٹ کلنگ میں ملوث ہونے کا اعتراف کرلیا ہے۔