لاہور(کلچرل رپورٹر)پاکستان ٹیلی ویژ ن لاہور سینٹر میں چیئرمین پی ٹی وی عطا الحق قاسمی کے آفس میں پی ٹی وی پر رمضان المبارک کے بعد شروع ہونے والے پروگرام "ریما شو ــ ــ" کی میزبان ریما خان اور فلم ایکٹر شان نے ایم ڈی ،پی ٹی وی سیّد عمران گردیزی اور چیئرمین پی ٹی وی عطا الحق قاسمی سے ملاقات کی۔ دونوں سٹار ز نے پی ٹی وی کے ویران سٹوڈیوز میں رونقیں بحال ہونے پر خوشی کا اظہار کیا اور کہا کہ پی ٹی وی ہمارا قومی چینل ہے اور اس پر کام کرنا ہمارے لئے فخر کا باعث ہے ۔ ریما خان نے کہا کہ امید ہے "ریما شو "ریٹنگ کے اعتبار سے ماضی کے تما م ریکارڈ توڑ دے گا ۔ جنرل منیجرلاہورسینٹر بشارت خان نے کہا کہ ریماخان تعلیم یافتہ خاتون ہیں اور پی ٹی وی کو ان سے بڑی توقعات ہیں۔ پروگرام منیجرچوہدری افتخار ورک نے بتایا کہ" ریما شوـ"میں مختلف شعبہ زندگی میں نمایاں مقام رکھنے اور کارکردگی دکھانے والے ہیروز کو بطور مہمان مدعو کیا جائے گا۔