ریاض (صباح نیوز)سعودی عرب میں مسافر بس اور ٹرالر کی ٹکر کے نتیجے میں 15افراد جاں بحق اور 45زخمی ہوگئے۔سعودی عرب میں ریاض قصیم شاہراہ پرمسافربس ایک ٹرالرسے ٹکراگئی،حادثہ میں 15افرادجاں بحق اور45زخمی ہوگئے۔ذرائع کا کہنا تھا کہ حادثے میں جاں بحق اورزخمی ہونے والے تمام افرادغیرملکی ہیں،تاہم ذرائع نے ان کی قومیت نہیں بتائی۔ذرائع کا کہنا تھا کہ حادثہ کے بعد بس میں آگ لگ گئی ،جس کی وجہ سے مسافر جاں بحق اور زخمی ہوئے۔ریاض کے گورنرشہزادہ فیصل بن بندرنے زخمیوں کوطبی سہولتیں فراہم کرنیکی ہدایت کی ہے۔ محکمہ صحت ریاض نے ہسپتالوں میں ایمرجنسی نافذ کردی ہے۔