اسلام آباد (آئی این پی) چین کے سفیر سن وی ڈونگ نے وزیراعظم کی صاحبزادی مریم نوازشریف سے ملاقات کی جس دوران چینی سفیر نے وزیراعظم نوازشریف کی خیریت دریافت کی اور چین کے صدر شی جن پنگ کی طرف سے وزیراعظم نوازشریف کی مکمل اور جلد صحت یابی کیلئے خواہشات کا پیغام پہنچایا۔ چینی سفیر نے وزیراعظم محمد نوازشریف کیلئے نیک خواہشات کا اظہار کیا۔ چین کے سفیر نے چین کے صدر شی جن پنگ کی طرف سے وزیراعظم محمد نوازشریف کی مکمل صحت یابی کیلئے نیک خواہشات کا پیغام بھی پہنچایا۔علاوہ ازیں لندن میں چینی سفیر نے برطانیہ میں پاکستانی ہائی کمشنر سے ملاقات کی اور چینی وزیراعظم کی جانب سے نوازشریف کیلئے گلدستہ دیا اور کامیاب آپریشن پر خوشی کا اظہار کیا۔