سابق ہاکی کھلاڑی عتیق الرحمان انتقال کر گئے
لاہور(سپورٹس رپورٹر) پاکستان ہاکی کے سابق انٹرنیشنل کھلاڑی عتیق الرحمان لاہور میں دل کا دورہ پڑنے سے انتقال کر گئے۔ مرحوم چار بچوں کے باپ تھے۔ گذشتہ روز مرحوم کو سوگواروں کی بڑی تعداد کی موجودگی میں مقامی قبرستان میں سپردخاک کر دیا گیا۔ پاکستان ہاکی فیڈریشن کے سیکرٹری اولمپئن شہباز سینئر، ڈائریکٹر ڈویلپمنٹ پی ایچ ایف اولمپئن نوید عالم سمیت سابق کھلاڑیوں نے عتیق الرحمان کے انتقال پر گہرے دکھ و افسوس کا اظہار کرتے ہوئے لواحقین کو یہ صدمہ برداشت کرنے کی توفیق دے کی دعا کی۔
