ریاض (آن لائن)یمن سے سعودی عرب کے ایک سرحدی قصبے میں راکٹ حملوں میں کم سے کم چار سعودی شہریوں کے زخمی ہونے کی اطلاعات ہیں۔ العربیہ کے ذرائع کے مطابق یمن کے اندر سے سعودی عرب کے سرحدی علاقے الجیزان میں راکٹ حملہ کیا گیا جس کے نتیجے میں کم سے کم چار افراد زخمی ہوگئے۔ حملہ کے بعد سکیورٹی فورسز نے جوابی کارروائی کی۔ خیال رہے یمنی باغیوں کی جانب سے سعودب عرب پر راکٹ باری کا یہ پہلا واقعہ نہیں۔ گذشتہ ہفتے سرحدی علاقے نجران میں یمن کے حوثی باغیوں کی طرف سے راکٹ حملے کے بعد سعودی توپخانے نے بھرپور جوابی کارروائی کی تھی۔