میڈریڈ(سپورٹس ڈیسک)سپین کے ٹینس سٹار رافیل نڈال نے کلائی کی چوٹ کی وجہ سے ومبلڈن اوپن ٹینس ٹورنا منٹ سے دستبردار ہونے کا اعلان کردیا۔رافیل نے فیس بک پر اپنے پیغام میں کہاکہ انھیں افسوس کے ساتھ اعلان کرنا پڑرہا ہے کہ ڈاکٹرز کے مشورے اور طبی رپورٹس کی روشنی میں وہ اس برس ومبلڈن ٹورنامنٹ میں حصہ نہیں لے سکیں گے۔انھوں نے مزید کہاکہ ان کے مداح سمجھ سکتے ہیں کہ یہ ایک تکلیف دہ فیصلہ ہے۔ فرنچ اوپن ٹینس ٹورنا منٹ کے دوران انھیں جو چوٹ آئی ، اسے ٹھیک ہونے میں مزید کچھ وقت لگے گا۔واضح رہے کہ رافیل نڈال نے 2008 اور 2010 میں ومبلڈن ٹینس ٹورنامنٹ جیتا تھا۔