لاہور (نمائندہ سپورٹس+ سپورٹس رپورٹر)پاکستانی کھلاڑی ارشد ندیم نے ایشین جونیئر ایتھلیٹکس چیمپئن شپ کے جیولن تھرو ایونٹ میں کانسی کا تمغہ جیت لیا۔ایتھلیٹکس فیڈریشن آف پاکستان کے مطابق ارشد ندیم نے ویتنام میں ایشین جونیئر ایتھلیٹکس چیمپئن شپ میں جیولن تھرو ایونٹ میں 73.40 میٹر تھرو پھینک کر کانسی کا تمغہ جیتنے کا اعزاز حاصل کیا۔فیڈریشن نے ارشد ندیم کو اب پولینڈ میں ورلڈ جونیئر ایتھلیٹکس چیمپئن شپ میں شرکت کیلئے بھیجنے کا فیصلہ کیا ہے جو 19 سے 26 جون تک ہوگی۔