قصور، کلورکوٹ، چناب نگر میں 2خواتین اور 3 لڑکیوں سے زیادتی
قصور+کلورکوٹ + چناب نگر (نامہ نگاران) قصور ، کلورکوٹ، چناب نگر میں 2خواتین،3 لڑکیوں سے زیادتی کی گئی۔ تھانہ منڈی عثمانوالہ پولیس نے خاتون کے ساتھ زیادتی کرنیوالے ملزموں کے خلاف مقدمہ درج کر لیا۔مقدمہ کے مدعی رنگیلے والا کے عرفان نے بتایا اس کی بیوی اور ڈیڑھ سالہ بیٹی گھر میں اکیلی تھی ملزمان جمیل اور جج دیواریں پھلانگ کر گھر داخل ہوئے اس کی بیوی سے زیادتی کر ڈالی۔ ادھر مقدمہ کی مدعیہ دربار مست بہڑوال کی یاسمین نے بتایا اسکا خاوند قربان دو سال قبل انتقال کر گیا خاوند کے دوست زاہد رفیق نے مجھے شادی کا جھانسہ دے کر اپنے گھر لے لیا اور اس کی غیر موجودگی میں اس کے دوست طارق، شعیب وغیرہ نے اس کے ساتھ اجتماعی زیادتی کر دی۔ کلورکوٹ کے نواحی علاقہ بٹی میں 3 ماہ قبل اغوا ہونے والی لڑکی اغوا کاروں کے چنگل سے نکل کر اپنے گھر پہنچ گئی، لڑکی کو 3 ماہ تک مختلف مقامات پر رکھ کر 3اغوا کار زیادتی کا نشانہ بناتے رہے۔ لڑکی نے اپنے ورثاء کے ہمراہ بتایا میں بٹی کی رہائشی ہوں ہمارے ہمسایہ محمد عامر جن کا تعلق زمیندار گھرانے سے ہے عامر حسین، مظہر عباس اور حسنین نامعلوم مقام پر لے گئے زیادتی کا نشانہ بناتے رہے۔چناب نگر میں موضع پیر پنجہ کی نسرین بی بی کو جگدے، دوست محمد، مشتاق اور ان کے نامعلوم ساتھی نے گن پوائنٹ پر اغواء کیا جگدے نے نسرین سے زیادتی کی۔ موضع کانویں والا کی زبیدہ بی گھر میں موجود تھی حامد نے زبیدہ سے زیادتی کر ڈالی۔
