لاہور (خصوصی نامہ نگار)امیر جماعت اسلامی لاہور ذکر اللہ مجاہد نے کہا کہ اہل لاہور صاف پینے کے پانی کو ترس رہے ہیں بجلی کی لوڈشیڈنگ کی وجہ سے لوگوں کا جینا دوبھر ہو چکا ہے، حکومت پنجاب کم از کم رمضان المبارک کا احترام کرتے ہوئے شہریوں کو پانی کی بروقت سپلائی دے اور ٹریفک کے بہاؤں کو یقینی بنائے۔ سخت گرمی کے موسم میں روزہ کی حالت میں شہری گھنٹوں ، ملتان روڈ ، کینال روڈ ، جی ٹی روڈ ، فیروز پور روڈ ، مال روڈ کے علاوہ دیگر ملحقہ سڑکوں پر گھنٹوں ٹریفک جام رہتی ہے۔ رہی سہی کسر اورنج لائن ٹرین کے منصوبے نے پوری کر دی ہے۔