گوجرانوالہ (نمائندہ خصوصی) ماسٹر سٹی ہاؤسنگ سکیم گوجرانوالہ کے چیف ایگزیکٹو شیخ مقصود اقبال نے کہا ہے کہ رائیل سٹیٹ کا بزنس روز افزوں ترقی کر رہا ہے گوجراوالہ میں پہلی مرتبہ ماسٹر سٹی میں رائیل سٹیٹ مارکیٹ قائم کرکے اس کاروبار سے وابستہ افراد کو باقاعدہ ایک پلٹ فارم فراہم کیا جا رہا ہے جس سے نہ صرف رئیل سٹیٹ سے وابستہ افراد بلکہ عوام کو بھی براہ راست فائدہ ہوگا ان خیالات کا اظہار انہوں نے ماسٹر سٹی میں قائم ہونے والی رائیل سٹیٹ مارکیٹ کی افتتاحی تقریب سے خطاب کرتے ہوئے کیا اس موقع پر وزیرمملکت بیرسٹر عثمان ابراہیم، سابق صدر چیمبر اخلاق احمد بٹ، ملک ظہیر الحق ایم پی اے توفیق احمد بٹ رضوان اسلم بٹ و دیگر بھی موجود تھے اس موقع پر ماسٹر سٹی کے ڈائریکٹر شیخ احمد بن مقصود اور جی ایم سیلز اینڈ مارکیٹنگ وقار احمد باجوہ نے رئیل سٹیٹ مارکیٹ میں فراہم کی جانے والی سہولیات سے لوگوں کو آگاہ کیا اور امیدظاہر کی کہ ماسٹر سٹی کے اس منصوبے سے لوگ براہ راست مستفید ہو سکیں گے۔