کراچی(نوائے وقت رپورٹ) اپوزیشن لیڈر خورشید شاہ دبئی میں آصف علی زرداری سے ملاقات کے بعد وطن پہنچ گئے ہیں۔ میڈیا سے گفتگو کرتے خورشید شاہ نے کہا کہ آصف علی زرداری نے پنامہ لیکس پر فیصلے اپوزیشن جماعتوں کی مشاورت سے کرنے کی ہدایت کی ہے۔ ملاقات میں پانامہ لیکس کے حوالے سے ٹی او آر ،بجٹ اور ملکی سیاسی صورتحال پر بات چیت ہوئی،آصف زرداری کو پانامہ لیکس پر بریفنگ دی۔ آصف زرداری نے پانامہ لیکس کے معاملے کو نظر انداز نہ کرنے کی ہدایت کی ہے۔ زرداری کو بتایا کہ بجٹ میں غلط اعدادو شمار دیئے گئے ہیں۔ پانامہ لیکس پر پی پی کے موقف میں کوئی تبدیلی نہیں آئی دبئی میں پارٹی چیئر مین بلاول بھٹو سے بھی ملاقات کی۔