ڈبلن (سپورٹس ڈیسک) سری لنکا نے آئرلینڈکو بارش سے متاثرہ ون ڈے میچ میں 76رنز سے ہرادیا۔ سری لنکا نے پہلے کھیلتے ہوئے سات وکٹوں کے نقصان پر303رنز بنائے ۔دنیش چندی مل 100رنز پر ناقابل شکست رہے ۔مینڈس 51‘اینجلو میتھیوز49اور شناکا 42رنز بناکر نمایاں رہے ۔رینکن اور میکارتھی نے دو دو کھلاڑیوں کو آﺅٹ کیا۔آئرش ٹیم کو 47اوورز میں 293رنز کا ہد ف ملا تاہم پوری ٹیم 216رنز پر آﺅٹ ہوگئی ۔کپتان ولیم پورٹر فیلڈ 73رنز بناکر نمایاں رہے ۔کیون اوبرائن64رنز بناسکے ۔شناکا نے پانچ کھلاڑیوں کوآﺅٹ کیا۔ان کو میچ کا بہترین کھلاڑی قرار دیاگیا۔سری لنکا نے دو میچوں کی سیریز میں ایک صفر کی برتری حاصل کرلی۔