لاہور (نامہ نگار) بھاٹی گیٹ کے علاقہ میں چالان کرنے پر ٹریفک وارڈن اور ٹرک ڈرائیور گتھم گتھا ہوگئے اور دونوں زخمی ہوگئے۔ بتایا جاتا ہے کہ بھاٹی گیٹ کے قریب وارڈن فیضان ڈیوٹی دے رہا تھا کہ اشارہ توڑنے پر اس نے ٹرک ڈرائیور خوشی محمد کو رکنے کا اشارہ کیا مگر ٹرک ڈرائیور نہ رکا جس پر وارڈن نے اس کا پیچھا کرکے اسے پکڑ لیا۔ دونوں کو طبی امداد کیلئے سروسز ہسپتال منتقل کیا گیا جہاں ڈاکٹروں نے طبی امداد کے بعد فارغ کردیا۔ پولیس حکام نے ٹرک ڈرائیور اور وارڈن میں صلح کرا دی اور کوئی کارروائی نہیں کی۔