بہاولنگر+ شاہ پور صدر (نامہ نگاران) نامعلوم وجوہات اور والدین کی ڈانٹ ڈپٹ پر محنت کش اور ایف اے طالب کے علم نے زندگی کا خاتمہ کر لیا۔ بہاولنگر 18 سالہ ساجد اپنی پھوپھی کے گھر رہتا تھا اور محنت مزدوری کرکے اپنا اور گھر والوں کا خرچہ چلاتا تھا۔ گزشتہ روز اس نے گھر میں لگے کیکر کے درخت سے دوپٹہ باندھ کر پھندا لیکر خودکشی کرلی۔ شاہ پور صدر سے نامہ نگار کے مطابق قصبہ شیخانوالہ کے ایف اے پاس نوجوان کامران نے والد کی ڈانٹ ڈپٹ سے دلبرداشتہ ہوکر زہریلی گولیاں نگل لی۔ فوری طور پر ٹی ایچ کیو ہسپتال پہنچایا گیا جہاں طبی امداد کے بعد اسے سرگودھا ریفر کیا گیا لیکن وہ جان کی بازی ہار گیا۔