میانوالی (نامہ نگار) پاک فضائیہ کا ڈرون طیارہ فنی خرابی کے باعث پکہ ہنڈ کے قریب گر کر تباہ ہوگیا۔ بتایا گیا ہے صبح کے وقت میانوالی کے ایم ایم عالم ائربیس سے بغیر پائلٹ کے اڑنے والا ڈرون طیارہ میانوالی سے 15 کلومیٹر کے فاصلے پر ہیڈ پکہ کے قریب ویران ٹیلوں میں فنی خرابی کی وجہ سے گر کر تباہ ہوگیا۔ ائرکرافٹ ویران جگہ گرنے کی وجہ سے کوئی جانی نقصان نہیں ہوا۔ بتایا گیا ہے کہ ڈرون طیارہ گرنے کے فوراً بعد ریسکیو 1122 اور پاک فضائیہ ائربیس مقامی پولیس اور انتظامیہ کے لوگ امدادی کاموں کیلئے جائے حادثہ پر پہنچ گئے۔ حادثہ کی تحقیقات شروع کر دی گئی ہیں۔