گوجرانوالہ (نمائندہ خصوصی) اروپ پولیس نے پسند کی شادی کرنے والی حاملہ بہن کو قتل کرنیوالے بھائیوں کو بھی گرفتار کرلیا۔ بٹرانوالی کی رہائشی مقدس نے تین سال قبل معذور نوجوان توصیف سے پسند کی شادی کرلی تھی۔ چار روز قبل مقدس اپنی ساس کے ہمراہ حفاظتی ٹیکہ لگوانے کیلئے مقامی ہسپتال گئی ہوئی تھی۔ واپسی پر مقدس کی والدہ امینہ بی بی اسے بھلا پھسلا کر اپنے سا تھ گھر لے گئی جہاں مقدس کو تیز دھار آلہ سے شہ رگ کاٹ کر قتل کردیا گیا تھا جس پر پولیس نے مقتولہ کے والدین کو گرفتار کرنے کے بعد اسکے دو بھائیوں عدیل اور نصیر کو بھی حراست میں لے لیا۔ ملزموں سے تفتیش جاری ہے۔