اسلام آباد (این این آئی)فتح جنگ شاہ پور ڈیم میں بیٹے کو بچاتے ہوئے میاں بیوی بھی ڈوب کر جاں بحق ہوگئے۔ کیمسٹری کے پروفیسر ثاقب ستار اپنی بیوی عابدہ ثاقب اور 7 سالہ بیٹے عبداللہ کے ہمراہ شاہ پور ڈیم نہانے کیلئے گئے، پائوں پھسلنے سے بچہ پانی میں چلا گیا جسے بچانے کیلئے دونوں میاں بیوی بھی پانی میں اترگئے جنہیں پانی کی گہرائی کا اندازہ نہیں تھا اور تینوں افراد ڈوب گئے۔ ایک ہی خاندان کی تین میتیں گھر پہنچنے پر کہرام مچ گیا۔ ہر آنکھ اشکبار تھی۔