ممبئی (آن لائن+نوائے وقت رپورٹ) بھارتی گلوکار سونو نگم نے امجد فرید صابری کے قتل پر افسوس کا اظہار کرتے ہوئے کہا ہے کہ وہ حیران ہیں کہ کوئی کیسے ایک معصوم شخص کو مار سکتا ہے۔ میڈیا سے گفتگو کرتے سونو نگم نے کہا کہ امجد صابری کی شہادت پر دکھ ہے، وہ انتہائی شفیق شخصیت اور مثبت سوچ کے حامل تھے، امجد صابری نے 2004 میں ان کے ساتھ کراچی میں ان کے گائے۔ گانے میں قوالی کا حصہ بہت ہی اچھے طریقے سے گایا تھا۔2004 میں کراچی میں ہونے والے دھماکے سے میں اور میرے خاندان کے ساتھ وہ بھی بال بال بچ گئے تھے جس کے بعد امجد صابری کے ساتھ جذباتی تعلق بھی قائم ہوگیا تھا۔ سونونگم کا کہنا تھا امجد صابری کاخاندان کوئی چھوٹا خاندان نہیں، اس خاندان کے چراغ کو بجھا دینا افسوسناک ہے، فیس بک پر امجد صابری کی تصویر دیکھ کربہت دکھ ہو رہا ہے۔
سونو نگم