کراچی(صباح نیوز)فشریز کے سابق ڈائریکٹر نثار مورائی کو طبیعت بگڑنے پر جناح ہسپتال کراچی منتقل کردیاگیا ہے۔ ذرائع کے مطابق پولیس نے نثار مورائی کو طبیعت کی خرابی پر جناح ہسپتال کے سپیشل وارڈ میں منتقل کیا ہے۔ نثار مورائی کو 90 روزہ ریمانڈ مکمل ہونے پر رینجرز نے گزشتہ دنوں ڈیفنس پولیس کی تحویل میں دے دیا تھا۔ ان کو فشریز ڈیپارٹمنٹ میں بڑے پیمانے پر کرپشن کے الزام میں گرفتار کیا گیا تھا۔