بریج ٹائون (سپورٹس ڈیسک)ویسٹ انڈیز اور آسٹریلیا کے درمیان کھیلے جانے والے تین ملکی سیریز کے فائنل میں آسٹریلیا نے ویسٹ انڈیز کو 58 رنز سے شکست دیدی ہے ۔آسٹریلیا نے میچ میں جیت کے ساتھ تین ملکی سیریز کی ٹرافی بھی جیت لی ہے ۔ کینگروز ٹیم نے ٹاس جیت کر پہلے خود بیٹنگ کا فیصلہ کیااور مقررہ 50 اوورز میں 9 وکٹوں کے نقصان پر 270 رنز اسکو ر کیے۔ٹیم کی جانب سے میتھیو ویڈ 57رنز کے ساتھ ٹاپ اسکورر رہے ،جبکہ ایرون فنچ 47 اور کپتان اسٹیون اسمتھ 46 رنز بنا کر نمایاں رہے۔ویسٹ انڈیز کی جانب سے جانسن چارلس نے چار چوکوں اور ایک چھکے کی مدد سے 45 جب کہ دنیش رام دین نے دو چوکوں اور ایک چھکے کی مدد سے 40 رنز بنائے۔ ویسٹ انڈیز کی پوری ٹیم 212 رنز بنا کر آئوٹ ہوگئی۔