لاہور (سپورٹس رپورٹر+ نمائندہ سپورٹس) لاہور ریجن نے انڈر نائنٹین کرکٹ ٹیموں کے ٹرائلز کیلئے ممکنہ کھلاڑیوں کے ناموں کو شارٹ لسٹ کرنا شروع کر دیا۔پی سی بی کی جانب سے لاہور ریجن کی ٹیموں کے انتخاب کیلئے گیارہ جولائی کو ٹرائلز اور بارہ جولائی کو فٹنس ٹیسٹ کروانے کا شیڈول جاری کیا گیا ہے۔ لاہور ریجن حکام کا کہنا ہے کہ ٹرائلز کیلئے ساٹھ کھلاڑیوں کو مدعو کیا جائیگا،،، حالیہ انٹر ڈسٹرکٹ انڈر نائنٹین کرکٹ چیمپئن شپ میں لاہور کے تینوں زونز کی دو،دو ٹیموں نے حصہ لیا تھا۔ تمام ٹیموں کے دس،دس ٹاپ کھلاڑیوں کے ناموں کی فہرست آئندہ چند روز میں ایل سی سی اے میں آویزاں کر دی جائیگی اور یہ ہی کھلاڑی ٹرائلز دینے کے اہل ہونگے۔