منچن آباد+ فیصل آباد+ شیخوپورہ (نمائندہ خصوصی+ نامہ نگاران) مختلف واقعات میں حافظہ قرآن سمیت 3 خواتین اور 6 سالہ بچے کو زیادتی کا نشانہ بنا دیا گیا۔ تفصیلات کے مطابق منچن آباد میں حافظہ قرآن (آ) کواوباش اصغر نے زبردستی گھرمیں گھس کر زیادتی کا نشانہ بنا ڈالا اور فرار ہو گیا۔ فیصل آباد میں تھانہ ترکھانی کے علاقہ چک نمبر 530 گ ب کے ملزم یاسر نے 16 سالہ (ش) کو اسلحہ کے زور پر زبردستی کھیتوں میں لے جا کر اپنی ہوس کا نشانہ بنا دیا اور موقع سے فرار ہونے میں کامیاب ہو گیا۔ شیخوپورہ سے نامہ نگار خصوصی کے مطابق تھانہ خانقاہ ڈوگراں کے علاقہ پرانی آبادی میں ملزمان شہباز، بابر اور ابوبکر وغیرہ نے محنت کش یوسف کے گھر میں گھس کر اس کی بیوی (ف) کو اغوا کرنے کے بعد نامعلوم مقام پر لیجا کر اجتماعی زیادتی کا نشانہ بنا ڈالا اس دوران خاتون ملزمان کے چنگل سے بھاگ کر گھر پہنچ گئی۔ مانانوالہ کے محلہ قادر آباد میں ملزم قادر آباد میں ملزم شاہد وغیرہ نے گلی میں کھیلتے مختار احمد کے 6 سالہ بیٹے زین کو اغوا کرکے اس سے زبردستی بدفعلی کر ڈالی واقعہ کے بعد ملزم فرار ہو گیا۔