لاہور (خصوصی رپورٹر) چین کے قونصل جنرل یوبورن نے وزیراعلیٰ پنجاب سے ملاقات کے موقع پر کہا کہ شہباز شریف چین کے حقیقی معنوں میں انتہائی مخلص اور دیرینہ دوست ہیں-چین کی قیادت اورعوام میں شہبازشریف بہت مقبول ہیں کیونکہ انہوں نے پنجاب میں منصوبوں کی مقررہ مدت سے قبل اعلی معیار کے ساتھ تکمیل کو یقینی بنانے کے حوالے سے ایک ریکارڈ قائم کیا۔ مسلم لیگ(ن) اور کمیونسٹ پارٹی آف چائنہ کے مابین تعلقات کو مضبوط بنانے میں بھی ان کا کردارانتہائی نمایاں ہیں۔ یوبورن نے کہا کہ شہباز شریف کی ذاتی نگرانی میں سی پیک کے منصوبوں پر غیر معمولی رفتار سے کام ہو رہا ہے۔وزیراعلیٰ شہباز شریف غیر معمولی صلاحیتوں کے حامل ہیں اور ان کے کام کرنے کی رفتار بھی غیر معمولی ہے ۔