اوکاڑہ (نامہ نگار) مقامی پیپر ملز کے کیمیکل تالاب میں گر کردو مزدور جاں بحق تین زخمی ہو گئے دو کو لاہور ریفر کردیا مالک ملز کو گرفتارکرلیاگیا۔ تفصیلات کے مطابق دیپالپور روڈ پر واقع پیپر ملزمیں مزدور کام کر رہے تھے اچانک پانچ مزدور عمران، غلام نبی، شکیل، فاروق اور ایک نامعلوم تالاب میں گر گئے اطلاع ملنے پر ڈی سی او اوکاڑہ موقع پر پہنچ گئے جنہوں نے اپنی نگرانی نے مزدورں کو تالاب سے نکلوایا تاہم دو مزدور عمران اور غلام نبی جاں بحق ہوگئے دیگر تین کو سائوتھ سٹی ہسپتال پہنچادیا گیا جہاں تشویشناک حالت کے پیش نظر شکیل اور فاروق کو لاہور ہسپتال ریفر کر دیا گیا ڈ ی سی او سقراط امان رانا کے حکم پر ملز مالک رضوان احمد کو گرفتار کرلیاگیا تھانہ صدر اوکاڑہ نے رضوان احمد اور کنٹریکٹر نصیر کے خلاف مقدمہ درج کرلیاگیا۔