لاہور(سپورٹس رپورٹر+ نمائندہ سپورٹس) چھ ماہ گزر گئے، محکمہ پی اینڈ ڈی نے باکسنگ اور سکواش کمپلیکس کے پی سی ون منظور نہ کیے، سپورٹس بورڈ بھی انتظار کی سولی پر لٹک گیا۔ نشترپارک سپورٹس کمپلیکس میں واقع انٹرنیشنل باکسنگ کمپلیکس اور سکواش کمپلیکس کی تعمیر کا کام بدستور التوا کا شکار ہے۔ سپورٹس بورڈ کی جانب سے چھبیس دسمبر کو سکواش اور اکتیس دسمبر کو باکسنگ کمپلیکس کی تعمیر کیلئے محکمہ پی اینڈ ڈی کو فنڈز اور پراجیکٹ کی منظوری کیلئے پی سی ون تیار کرکے بجھوائے گئے تھے جو ساڑھے پانچ ماہ گزر جانے کے باوجود منظور نہیں ہوئے۔ سپورٹس بورڈ حکام منظوری کے ر انتظار میں ہیں۔