پیرس(سپورٹس ڈیسک) فرانس میں جاری یو رو فٹ بال کپ کے کوارٹر فائنل میں اٹلی کو شکست دینے کے بعد جرمنی کی ٹیم مشکلات میں گھر گئی ۔ دفاعی کھلاڑی میٹس ہیوملز کو کوارٹر فائنل میں دو پیلے کارڈ دکھانے پر ایک میچ کیلئے معطل کردیا گیا جس کی وجہ سے وہ سیمی فائنل میں نہیں کھیل سکیں گے ۔میٹس جرمن ٹیم کے سٹار کھلاڑی ہیں اور دفاعی لائن میں بڑے اہم تصور کئے جاتے ہیں ۔ اٹلی کیخلاف کوارٹر فائنل میں امپائر نے انہیںدو پیلے کارد دکھا کر میچ سے باہر کر دیاتھا جس کی وجہ سے وہ سیمی فائنل میں بھی شامل نہیں ہوسکیں گے ۔جرمن ٹیم کیلئے ایک اور دھچکا لگا ہے ‘خدیرااور گومیز کے بارے میں اطلاعات ہیںکہ وہ زخمی ہیں اور سیمی فائنل میں ان کی شرکت کا فیصلہ میچ سے قبل کیا جائے گا۔کوچ جوشم نے کہا ہے کہ کھلاڑیوں کو مسائل کا سامنا ہے اور سیمی فائنل میں کون کون کھیلے گا ابھی کچھ نہیں کہا جاسکتا ہے۔اگر کوئی ٹیم سیمی فائنل میں پہنچ جاتی ہے تو اس کی نظر فائنل پر ہوتی ہے اور ہماری کوشش ہوگی کہ سیمی فائنل میں بہترین ٹیم اتاریں ۔