گلگت + چلاس (نامہ نگار + آئی این پی) عیدالفطر پر اسلام آباد سے ہنزہ نگر جانے والی کار بابوسرٹاپ کے مقام پر موڑ کاٹتے ہوئے کھائی میں جا گری، جس میں خواتین اور بچوں سمیت ایک ہی خاندان کے 6افراد جاںبحق ہو گئے۔ تفصیلات کے مطابق ہنزہ نگر سے تعلق رکھنے والا لیاقت اہلیہ اور بچوں سمیت عید منانے کے لئے اسلام آباد سے اپنے آبائی علاقے جا رہا تھا کہ ان کی گاڑی بابوسر ٹاپ کے مقام پر موڑ کاٹتے ہوئے کھائی میں جا گری، افسوسناک حادثے میں دو خواتین دو بچے اور دو مرد جاں بحق ہو گئے۔ ریسکیو حکام کے مطابق لاشوں کو کھائی سے نکال کر آبائی علاقے منتقل کر دیا گیا۔ مرنے والوں میں لیاقت اس کی اہلیہ، دو بچے اور خاندان کے دیگر دو افراد شامل ہیں۔ جب کہ ہلاکتوں پر وفاقی وزیر امور کشمیر و گلگت بلتستان برجیس طاہر‘ وزیر اعلیٰ گلگت بلتستان حفیظ الرحمان‘ گورنر میر غضنفر خان نے افسوس کا اظہار کیا ہے۔
6 افراد جاںبحق