کراچی (کرائم رپورٹر) نیو کراچی میں بوائلر پھٹنے سے برف خانے کی چھت گرگئی جس کے نتیجے میں 6 افراد جاں بحق جبکہ 4 زخمی ہوگئے۔ حکام کے مطابق کراچی کے علاقے نیو کراچی میں صبا سینما کے قریب ایک برف خانے کا بوائلر پھٹ گیا جس کے نتیجے میں برف کارخانے کی چھت گر گئی اور کئی افراد ملبے تلے دب گئے۔ مقامی افراد نے اپنی مدد آپ کے تحت لوگوں کو نکالنے کا کام شروع کردیا تاہم کچھ ہی دیر میں ریسکیو حکام بھی موقع پر پہنچ گئے۔ ملبے سے 3 افراد کی نعشیں جبکہ 6 زخمیوں کو نکال کر قریبی ہسپتال پہنچا دیا گیا ہے جہاں 2 زخمی دم توڑ گئے اور دیگر کی حالت بھی تشویش ناک ہے۔ تاہم کارخانے سے گیس کے مسلسل اخراج کی بدولت امدادی کام سست روی کا شکار رہے جبکہ قریبی گھروں کے لوگوں کو سانس لینے میں شدید دشواری پیش آئی۔ عینی شاہدین کے مطا بق دھماکہ اس قدر شدید نوعیت کا تھا کہ اس سے فیکٹری کی دیواریں اور چھت مکمل طور پر تباہ ہوگئی۔
کراچی/ برف خانہ