گوجرانوالہ (نمائندہ خصوصی) نیب نے گوجرانوالہ میں چھاپے مار کر کروڑوں روپے کے نادہندہ خاتون ایس پی کے خاوند سمیت دوافراد کوگرفتار کر لیا۔ نیب ٹیموں نے ڈی سی کالونی میں چھاپہ مارکر گیپکو کے کروڑوں روپے کے نادہندہ چودھری حنیف کوحراست میں لے لیا چودھری حنیف کے بارے میں علم ہوا ہے کہ وہ سیالکوٹ میں تعینات خاتون ایس پی کاخاوند ہے جس کی اروپ کے سیاسی خاندان سے قریبی تعلق داری ہے جبکہ چودھری حنیف کی مریدکے‘ ڈسکہ اورگوجرانوالہ میںفرنس فیکٹریاں ہیں وہ ایک عرصہ سے گیپکو کا کروڑوں روپے کا نادہندہ تھاٹیم نے ڈی سی کالونی میں ہی گیپکو کے 3کروڑ44لاکھ 84ہزارروپے کے نادہندہ شیخ حفیظ کی گرفتاری کیلئے چھاپہ مارا تاہم وہ گرفتار نہ ہوسکاجس پر اس کے بیٹے کوٹیم گرفتارکرکے لے گئی۔