اوکاڑہ (نامہ نگار) دوگروپوں کے تصادم کے نتیجہ میں نوجوان ہلاک جبکہ باپ سمیت سات افراد زخمی ہو گئے جبکہ بھائیوں کے جھگڑے میں بہن ماری گئی۔ تفصیلات کے مطابق اوکاڑہ کے نواحی قصبہ پپلی پہاڑ کے پارک میں ناصر کی اپنے دوست سے معمولی سی تلخ کلامی ہوئی جس پر دونوں گروپوں میں تصادم ہو گیا جس کے دوران آتشیں اسلحہ کا آزادانہ استعمال کیا تصادم کے نتیجہ میں ناصر موقع پر دم توڑ ہو گیا جب کہ اس کے والد کو شدیدزخمی حالت میں ہسپتال پہنچا دیا گیا جہاں سے تشویشناک حالت کے پیش نظرلاہور ریفرکر دیا گیا۔ علاوہ ازیں اوکاڑہ کے نواحی علاقہ ستگھرہ میں بھائیوں کے جھگڑے میں بہن ہلاک ہوگئی۔ گھریلو مسئلہ پر دو بھائی محمد اصغر اور محمد حسین جھگڑ رہے تھے کہ طیش میں آکر محمد اصغر نے اپنے بھائی پر کلہاڑی سے وار کرنا چاہا کہ اسی دوران ان کی بہن خالد ہ بی بی درمیان میں آگئی محمد اصغر کی چلائی ہوئی کلہاڑی اس کے سر پر لگی جس سے وہ موقع پر ہی جاں بحق ہو گئی تھانہ صدر ستگھرہ نے مقدمہ درج کرلیا۔