کراچی (نوائے وقت نیوز) دریائے سندھ میں سکھر بیراج کے مقام پر خاتون سمیت تین نامعلوم افراد کی نعشیں ملی ہیں۔ نعشوں کو شناخت کیلئے ایدھی سینٹر منتقل کردیاگیا ہے۔ یہ نعشیں سکھر بیراج کے مختلف دروازوں سے ملی ہیں جن کی شناخت کیلئے ایدھی سینٹر بندر روڈ منتقل کردیا گیا ہے۔ ایدھی رضا کار کے مطابق دو نعشیں پرانی ہیں جس کی وجہ سے شناخت میں مشکلات کا سامنا ہے۔ پولیس کا کہنا تھا کہ سکھر بیراج کے مختلف دروازوں پر پھنسی نعشیں بالائی علاقوں سے سیلابی ریلے میں بہہ کر آئی ہیں۔