اسلام آباد (نوائے وقت رپورٹ) مشیر خارجہ سرتاج عزیز نے نجی ٹی وی سے بات کرتے ہوئے کہا ہے کہ پورے مقبوضہ کشمیر میں کرفیو نافذ ہے اور تعلیمی ادارے بند ہیں۔ کشمیر کا مسئلہ مزید خراب ہوتا نظر آ رہا ہے۔ جان مکین نے اپنے دورہ پاکستان میں کہا کہ پاکستان اور امریکہ کے تعلقات بہتر ہونے چاہئیں۔ ہم نے انہیں بتایا کہ تمام دہشتگردوں کیخلاف بلاتفریق کارروائی کر رہے ہیں۔ دہشتگردوں کیخلاف نیشنل ایکشن پروگرام کے تحت کارروائی کر رہے ہیں۔