گلگت (نامہ نگار) لاہور سے گلگت جانے والی ہائی ایس ویگن بابوسر کے قریب الٹ گئی جس کے باعث ڈرائیور سمیت چار جاں بحق‘ 2 بچوں سمیت 17 افراد زخمی ہو گئے۔ حادثے کا شکار ہونے والی ہائی ایس گاڑی نمبر LES-220 جیسے ڈرائیور طارق عرف مٹھو چلا رہا تھا‘ بابوسر میں بے قابوہوکر الٹ گئی جس کے نتیجے میں ڈرائیور کے علاوہ 4 سالہ نور اور فہیم موقع پر دم توڑ گئے جبکہ عظیم‘ حسنین‘ انیسہ‘ فاطمہ‘ المیم‘ فیصل‘ نادیہ‘ شرجیل‘ فہیم‘ عافیہ‘ ثنائ‘ واصف‘ نور‘ شمیم‘ مرواہ‘ حرم کو زخمی حالت میں ڈسٹرکٹ ہیڈکوارٹر ہسپتال چلاس منتقل کر دیا ہے۔ حادثے کا شکار ہونے والے بدقسمت خاندان کے افراد سیاحت کی غرض سے گلگت بلتستان کیلئے نکلے تھے۔