گوجرانوالہ (نمائندہ خصوصی) ڈسٹرکٹ ہسپتال میں شہریوں نے مریض کی جیب سے پیسے نکالنے والے دو جیب تراشوں کو قابو کرنے کے بعد درگت بنا ڈالی۔ تفصیلات کے مطابق آئوٹ ڈور میں سہیل نامی مریض چیک اپ کروانے کیلئے اپنی باری کا انتظار کر رہا تھا اس دوران دو جیب تراشوں نے اسکی جیب سے پیسے نکال لئے جنہیں موقع پر موجود شہریوں نے قابو کر لیا اور ان دونوں کی تھپڑوں اور مکوں سے خوب تواضع کی ، تاہم اس بارے علم ہونے پر تھانہ سول لائن پو لیس نے موقع کر انہیں حراست میں لیکر تھانے منتقل کیا، جیب تراشوں کا نام زبیر اور منیر بتایا گیا ہے۔