گوشواروں کے مطابق مشرف کے 9 اکائونٹس میں ایک کروڑ روپے‘ کراچی 3، اسلام آباد 2 لاہور اور کوئٹہ میں ایک ایک پلاٹ ہے: رپورٹ
اسلام آباد (نوائے وقت رپورٹ) وزارت داخلہ کی رپورٹ کے مطابق مشرف کے اسلام آباد، راولپنڈی میں 9 بنک اکائونٹس ہیں جن میں ایک کروڑ روپے سے زائد رقم ہے۔ پرویز مشرف کے 2008ء کے گوشواروں کے مطابق کراچی میں 3 پلاٹ ہیں، تینوں پلاٹس کی مالیت ڈیڑھ کروڑ سے زائد ہیں۔ اسلام آباد میں بھی 2 پلاٹ ہیں، پرویز مشرف کا لاہور اور کوئٹہ میں ایک ایک پلاٹ، بہاولپور میں زرعی زمین ہے۔ ریونیو افسر لاہور، پشاور، الیکشن کمشن اور سی ڈی اے نے تفصیلات نہیں دیں۔ وزارت دفاع کے پاس بھی پرویز مشرف کی جائیداد کا کوئی ریکارڈ نہیں۔ ریونیو افسر کراچی کے مطابق مشرف کے نام پر کوئی جائیداد نہیں۔
