کراچی( نوائے وقت رپورٹ +کرائم رپورٹر) کراچی کے علاقے لانڈھی لالہ آباد میں مبینہ پولیس مقابلہ کے دوران گزشتہ رات ایک دہشت گرد ہلاک ہو گیا۔ ایس ایس پی ملیر رائوں انوار کے مطابق ہلاک دہشت گرد کی شناخت ظہیر عرف ظہیرا کے نام سے ہوئی ہے۔ دہشت گرد ظہیر پولیس اہلکاروں کی ٹارگٹ کلنگ، بھتہ خوری اور دیگر سنگین جرائم میں ملوث تھا۔دوسری طرف رینجرز نے پرانا گولیمار کراچی میں کارروائی کر کے ایک دہشت گرد کو گرفتار کر لیا ۔ترجمان رینجرز کے مطابق دہشت گرد آصف عرف عائو کا تعلق لیاری گینگ وار اور ارشد پپو گروپ سے ہے۔ ملزم نے چھاپے کے دوران فائرنگ کر کے فرار ہونے کی کوشش کی ، دہشت گرد سے3مشین گنیں 30 بور کے پستول اور چار نائن ایم ایم کے پستول برآمد کر لئے گئے۔