سوات + پبی (نوائے وقت رپورٹ + نامہ نگار) سوات کے علاقے مٹہ میں پولیس وین پر نامعلوم حملہ آوروں نے فائرنگ کردی جس سے چار پولیس اہلکار زخمی ہوگئے۔ نجی ٹی وی کے مطابق زخمی اہلکاروں کو طبی امداد کیلئے ہسپتال منتقل کر دیا گیا ہے۔ فائرنگ کے بعد پولیس نے علاقے میں سرچ آپریشن شروع کر دیا ہے۔ ادھر پبی میں پولیس نے تاروجبہ یں کھیتوں میں پڑی خودکش جیکٹ ناکارہ بنا کر علاقے کو تباہی سے بچا لیا۔ پولیس تھانہ پبی کو اطلاع ملی کہ تاروجبہ میں کھیتوں میں مشکوک چیز پڑی ہے جس پر پولیس کے موقع پر پہنچی تو کھیت میں ایک خودکش جیکٹ پڑی تھی جسے ناکارہ بنا دیا گیا۔ ادھر کوٹلی میں ایک کار سے اسلحہ برآمد کر لیا گیا۔ پولیس اور آرمی کی مشتر کہ ناکہ بندی کے دوران دھمول روڈ پر کو ٹلی شہر کی طرف سے آنے والی کار مشکوک جان کر تلاشی لی تو اس میں سوار محمد وسیم سے تیس بور پسٹل اور بھاری مقدار میں گولیاں برآمد کر کے ملزم کے خلاف مقد مہ درج کر کے ملزم کو گرفتار کر لیا گیا ہے۔