کراچی (سالک مجید) کراچی کے نامزد میئر وسیم اختر سے”را“ کے ساتھ تعلقات کی تفتیش کرنے والے پولیس افسر راﺅ انوار ایک زمانے میں پیپلز پارٹی کی رہنما شہید وزیراعظم بے نظیر بھٹوکی گاڑی ڈرائیور کرتے تھے۔ حکومت سندھ کے سینئر افسران نے اس بات کی تصدیق کی ہے کہ راﺅ انوار ایئرپورٹ پر بے نظیر بھٹوکی آمد اور روانگی کے موقع پر ان کے بااعتماد لوگوں میں شامل ہوتے تھے اور آصف زرداری بھی ہمراہ ہوتے تھے تو اکثر گاڑی راﺅ انوار چلاتے تھے۔ سرکاری حلقوں میں راﺅ انوار کو پیپلز پارٹی کی قیادت بالخصوص سابق صدر آصف زرداری کا بااعتماد پولیس افسر قرار دیا جاتا ہے اور ماضی میں ان کی پوسٹنگ میں بھی پیپلز پارٹی کی بااثر شخصیات کی سفارش کا عمل دخل رہا ہے۔ واضح رہے کہ وسیم اختر نے عدالت میں پیشی کے دوران بعض خدشات کا اظہار کرتے ہوئے کہا تھا کہ میری جان کو خطرہ ہے جبکہ وسیم اختر کے وکیل نے پولیس افسر کو غیر قانونی کاموں کی شہرت رکھنے والا قرار دیا تھا۔
راﺅ انوار شامل