اوکاڑہ (نامہ نگار) نامعلوم افراد کی فائرنگ سے میاں بیوی جاں بحق، ڈرائیور معجزانہ طور پر بچ گیا۔ تفصیلات کے مطابق فیصل آباد کے رہائشی میاں بیوی سید عارف حسین اور سعدیہ بی بی اپنے عزیزوں سے ملنے کے لئے نواحی گائوں 33 جی ڈی آئے ہوئے تھے یہاں سے اپنی کار کے ذریعے واپس جا رہے تھے کہ جب فیصل آباد اوکاڑہ روڈ پر پہنچے تو نامعلوم افراد نے فائرنگ کر کے انہیں موت کی گھاٹ اتار دیا جب ان کا ڈرائیور معجزانہ طور پر بچ گیا۔ پولیس نے دونوں کی نعشیں قبضہ میں لے کر ضروری کارروائی شروع کر دی۔