چھانگا مانگا، فیروزوالہ، جھنگ (نامہ نگاران) زیادتی کے مختلف واقعات میں اوباشوں نے دو خواتین اور دو لڑکوں کو زیادتی کا نشانہ بنا دیا۔ چھانگا مانگا کے علاقہ کوٹ رائو میں اوباش راشد نے 15 سالہ (ف) کو زیادتی کا نشانہ بنایا۔ ملزم کا (ف) کے گھر آنا جانا تھا۔ پولیس نے ملزم کو گرفتار کرلیا ہے جبکہ کوٹ عبدالمالک سکیم نمبر تین میں اوباش عاقب نے 18 سالہ ارسلان کو اپنے گھر لے جاکر زیادتی کا نشانہ بنایا۔ ملزم کو گرفتار کرلیا گیا ہے۔ جھنگ کے چک کوریانہ کی (ن۔ا) سے ملزم عمران نے زیادتی کی جبکہ اسکے دو ساتھی پہرہ دیتے رہے جبکہ اختر نے مبینہ طور پر 18 سالہ مجیب رضا کو ہوس کا نشانہ بنا ڈالا۔