بہاولنگر(نمائندہ نوائے وقت)بہاولنگر میں دہشت گردی کا منصوبہ ناکام‘ سی ٹی ڈی نے بروقت کارروائی کرتے مبینہ دہشت گر د گرفتار کرکے بھاری مقدار میں ہینڈ گرنیڈ اور اسلحہ بر آمد کرلیا۔ تفصیلات کے مطابق سی ٹی ڈی پولیس نے ڈی پی او آفس کے عقب میں موجود پرانے لاری اڈاہ کے قریب سے ایک مبینہ دہشت گر د گرفتار کر لیا ۔ سی ٹی ڈی ذرائع کے مطابق گرفتار ہونیوالے ملزم کا تعلق کا لعدم جماعت سے ہے ملزم اسرار بشیر لاہور کا رہائش پذیر ہے جس کو ہینڈ گر نیڈ اور اسلحہ بھر ے بیگ سمیت گرفتار کیا گیا ۔ سی ٹی ڈی پولیس کی بر وقت کاروائی کی وجہ سے بہاولنگر ایک بہت بڑی دہشت گر دی سے بچ گیا ۔ گرفتار ملزم کو نا معلوم جگہ پر منتقل کر دیا گیا ہے ۔