لاہور (سپورٹس رپورٹر+ نمائندہ سپورٹس) آئی بی ایس ایف ورلڈ ٹیم سنوکر چیمپئن شپ میں پاکستان نے ہانگ کانگ کو شکست دیکرکے کوارٹر فائنل کیلئے کوالیفائی کرلیا ہے ۔چیمپئن شپ مصر کے شہر شرم الشیخ میں جاری ہے ۔ٹیم ایونٹ کے پری کوارٹر فائنل میں اسجد اقبال اور بابر مسیح پر مشتمل پاکستان ون ٹیم نے چی وائی او اور مین لوئی لیونگ پر مشتمل ہانگ کانگ تھری کو تین ۔ صفر سے شکست دے کر کوارٹر فائنل میں جگہ بنائی ۔پہلے سنگلز میں بابر مسیح نے چوئی وائی ، دوسرے سنگلز میں اسجد اقبال نے مین لوئی لیونگ کو ہرایا۔ڈبلز میں پاکستانی جوڑی نے ہانگ کانگ کو ا تین ۔ صفر کی فتح دلوادی ۔ کوارٹر فائنل میں مقابلہ ویلز سے ہوگا۔