پشاور: 35 مشتبہ افراد گرفتار‘ کوئٹہ ژوب میں کالعدم تنظیم کے سہولت کار سمیت 5 پکڑے گئے
پشاور+ کوئٹہ (این این آئی+ بیورو رپورٹ) پشاور میں تھانہ پہاڑی پورہ کے علاقے میں پولیس اور سکیورٹی فورسز کے سرچ آپریشن کے دوران 35 افراد کو گرفتار کرلیاگیا۔ پولیس کے مطابق تھانہ پہاڑی پورہ کی حدود میں پولیس اور سیکورٹی فورسز نے شنواری ٹاﺅن اور ملحقہ علاقوں میں سرچ اینڈ سٹرائیک آپریشن کیا جس کے دوران 35 افراد کو گرفتار کرلیا گیا۔ گرفتار افراد میں 10 مشتبہ اور 7 افغان باشندے شامل ہیں۔ علاوہ ازیں ایف سی ترجمان کے مطابق کوئٹہ اور ژوب میں ایف سی کی کارروائیوں کے دوران کالعدم تنظیم کے سہولت کار سمیت 5 افراد گرفتار کر لئے گئے جو مختلف دہشت گردی کی کارروائیوں میں ملوث تھے۔
پشاور/ مشتبہ گرفتار
