چترال(صباح نیوز) سرحد پار سے آنے والے افغان طالبان نے مختلف علاقوں میں دوسرے روز بھی حملے کئے جس سے مزید 3 مقامی چرواہے جاں بحق ہوگئے۔دودرجن سے زائد دہشت گرد700بھیڑ، بکریوں کوگاڑیوں میں لاد کر فائرنگ کرتے ہوئے بھاگ نکلے ۔ چترال کے علاقے کالاش کی وادی بریر میں افغان طالبان نے مقامی چرواہوں پر مسلسل دوسرے روز حملہ کیا۔مقامی پولیس کے مطابق افغان طالبان نے5 مقامی چرواہوں کو یرغمال بنایا اور مزاحمت پر 3 چرواہوں کو فائرنگ کرکے ہلاک کردیا ۔ عینی شاہدین کے مطابق 2 درجن سے زائد دہشت گرد اپنے ساتھ گاڑیاں بھی لائے تھے جن پر جانوروں کو لاد کر فائرنگ کرتے ہوئے بھاگ نکلے۔پولیس کا کہنا ہے ایک روز قبل بھی ہی سرحد پار سے دہشت گردوں نے فائرنگ کرکے وادی کیلاش کے علاقے استوری میں 2افراد کوماردیا تھا۔
چترال