چین خطے میں امن کے لئے پاکستان، ایران کو قریب لا رہا ہے
اسلام آباد (مقبول ملک، دی نیشن رپورٹ) چین خطے میں امن اور سکیورٹی کی خاطر پاکستان اور ایران کو قریب لانے کے لئے اہم کردار ادا کر رہا ہے۔ ذرائع کے مطابق ایران نے چین سے اسلام آباد اور تہران کے درمیان پل کا کردار ادا کرنے کی درخواست کی تھی گزشتہ ہفتے مشیر برائے قومی سلامتی لیفٹیننٹ جنرل (ر) ناصر خان جنجوعہ کا دورہ ایران بھی اس سلسلے کی کڑی تھی۔ ناصر جنجوعہ کی ایرانی حکام کے ساتھ ملاقاتیں بڑی زرخیز ہوئی ہیں۔ پاکستان اور ایران نے بارڈر سکیورٹی پر نظر رکھنے کے لئے مشترکہ کمشن پر رضامندی ظاہر کی ہے اور جلد اختلافات دور کرنے پر زور دیا ہے۔
