مظفرگڑھ(نامہ نگار) دیوار گرنے سے 3بہن بھائی ملبے تلے آگئے واقعے میں ایک بچہ جاں بحق اور2زخمی ہوگئے۔ روہیلانوالی کے علاقے موضع لنگڑیا ل میں 3بہن بھائی مدرسے سے پڑھ کر واپس اپنے گھر کو جارہے تھے ۔گلی سے گزرتے ہوئے ایک گھر کی خستہ حال دیوار ان کے اوپر آگری اور وُہ ملبے تلے دب گئے ۔مقامی لوگوں نے اپنی مدد آپ کے تحت بچوں کو ملبے کے نیچے سے نکالا ۔واقعے کے بعد پولیس بھی موقع پر پہنچ گئی ۔پولیس ذرائع کیمطابق دیوار کے نیچے دب کر6سالہ ریحان موقع پر ہی جاں بحق ہوگیا جبکہ اس کی10سالہ بہن سفینہ اور 14سالہ بھائی فیصل شدیدزخمی ہوگئے جنھیں قریبی ہسپتال منتقل کردیا گیا ہے ۔پولیس تھانہ روہیلانوالی کیمطابق بچوں کے والد محمد یونس کی درخواست پر قانونی کارروائی کی جائیگی ۔