لاہور(نامہ نگار) ڈاکوئوںاور چوروںنے وارداتوں میں شہریوں سے لاکھوں مالیت کا سامان لوٹ لیاجبکہ مزاحمت پر شہری کوپسٹل کے بٹ مار کر زخمی کردیا ہے ۔ تفصیلات کے مطابق ڈاکوؤں نے ریس کورس کے علاقہ میں مال روڈ انڈر پاس کے قریب نوید شہزادسے ہزاروں روپے نقدی، موبائل فون اور موٹرسائیکل چھیننے کے بعد مزاحمت کرنے پر اسے پسٹل کے بٹ مار کر زخمی کردیااور فرار ہو گئے ہیں۔ڈاکوؤں نے نواب ٹائون کے رہائشی فرقان کے گھر گھس کر اہلخانہ کوگن پوائنٹ پر یرغمال بنا کر 9لاکھ مالیت،سٹی رائیونڈ میںحنیف کے گھرسے ساڑھے7 لاکھ مالیت ، نشتر کالونی کے رہائشی صدیق کے گھر سے3لاکھ مالیت کی نقدی، طلائی زیورات،موبائل فون اور دیگر سامان،شاہدرہ ٹائون میں کامران سے 70ہزارروپے اور موبائل فون،ڈیفنس بی میں رانا عمران سے 65ہزارروپے اور موبائل فون،لوئرمال میں عثمان اور اس کے دوستوں سے 50ہزارروپے اور 3موبائل فون لوٹ لئے ڈیفنس کے علاقہ اے بلاک میں موٹر سائیکل سوار دو ڈاکوؤں نے روزنامہ نوائے وقت کے فاروڈنگ سٹاف کی گاڑی کو گن پوائنٹ پر روک کرڈرائیور محمد افتخار احمدسے 5ہزار روپے جبکہ محمد عمر سے 21سو50روپے اور موبائل فون لوٹ لیا ہے ۔چوروں نے شالیمار میںسے انور،ٹائون شپ میںسے جنید،غازی آباد میںسے جاویدکی گاڑیاں جبکہ کا ہنہ میں محمود ،ڈیفنس بی میں فاروق ،فیکٹری ایریا میں ابرار ،قلعہ گجر سنگھ میں طارق ،مغل پورہ میں سلمان ،مزنگ میں ذوہیب ،شاہدرہ میںشاد باغ میں عدنان ،نواں کوٹ میں نبیل ،مسلم ٹائون میں ماجد ،ٹائون شپ میں اعجاز ،سبز ہ زار میں اسلام دین ، عابد ،نشتر کالونی میں ساجد ،اسلام پورہ میں ارشد کی موٹر سائیکلیں چوری کر لی ہیں۔ فیروز والہ نامہ نگار کے مطابق ڈکوؤں نے دکاندار مشتاق احمد اس کی بیوی کو روک کر زیورات نقدی اور موبائل فون چھین لیا صدر تھانہ کے قریب ڈاکوؤں نے علی حسین سے موٹرسائیکل نقدی چھین لی ڈاکوؤں نے گن پوائنٹ پر عمر شیراز کو روک کر 30 ہزار روپے رقم لوٹ لی ڈاکوؤں نے زمیندار اختر حسین سے ایک لاکھ آٹھ ہزار روپے کی رقم چھین کر لے گئے مریدکے کے قریب ڈاکوؤں نے کار سواروں کو روک کر تقریباً آٹھ لاکھ روپے مالیت سامان لوٹ لیا فرار ہو گئے۔